विभागीय क्रीडा संकुल,गारखेडा परिसर,औरंगाबाद येथे झालेल्या राज्यस्तर शालेय तायक्वांदो स्पर्धेत सूर्यदत्ता पब्लिक स्कूलच्या ऋतुजा गोरे हिने १९ वर्षाखालील मुली या वयोगटात अंतिम सामन्यात नाशिक विभागाच्या खेळाडूचा ३७-११ अशा मोठ्या फरकाने पराभव करत सुवर्णपदक पटकविले व तिची राष्ट्रीय शालेय तायक्वांदो स्पर्धेसाठी निवड झाली आहे.ऋतुजा गेली ११ वर्ष तायक्वांदोचा सराव करत असून आत्तापर्यंत तिने अनेक राज्य व राष्ट्रीय आणि अंतर राष्ट्रीय स्पर्धांमध्ये पदक प्राप्त केले आहेत.तिचे ऑलिम्पिक स्पर्धेत यश मिळवायच्या स्वप्नासाठी सुर्यदत्ता इन्स्टिट्यूट मधून तिला सर्व प्रकारे सहकार्य व प्रोत्साहन दिले जात आहे सुर्यदत्ता ग्रुप ऑफ इन्स्टिट्यूटचे संस्था विकास व्यवस्थापक सिद्धांत चोरडिया व संस्थेचे शारीरिक शिक्षण संचालक प्रा.निशिगंधा पाटील व संकेत नालकर यांनी ऋतुजाचे अभिनंदन केले.व सुर्यदत्ता ग्रुप ऑफ इन्स्टिट्यूटचे संस्थापक अध्यक्ष डॉ.संजय चोरडिया यांनी ऋतुजाचे गुणवत्ता प्रमाणपत्र देवून विशेष अभिनंदन केले आणि पुढील स्पर्धेसाठी शुभेच्छा दिल्या
© 2011. Peoples Media Pune