पुणे महानगरपालिकेतील नवनिर्वाचित काँग्रेस(आय)नगरसेवकांचा सत्कार काँग्रेसचे राष्ट्रीय प्रवक्ते आ.अनंतराव गाडगीळ यांच्या हस्ते करण्यात आला.जनसागर हॉल,शाहूउद्याना जवळ,झालेल्या या कार्यक्रम प्रसंगी आयोजक विजय तिकोणे,नगरसेवक-रवींद्र धंगेकर,सुजाता शेट्टी,रफिक शेख,अविनाश बागवे,लताताई राजगुरू,चांदबी नदाफ,रामचंद्र कदम,वैशाली मराठे,अजित दरेकर,आदी मान्यवर व पदाधिकारी आणि कार्यकर्ते उपस्थित होते.शाल,श्रीफळ,पुष्पगुच्छ व स्मृतिचिन्ह असे सत्काराचे स्वरूप होते.या प्रसंगी बोलताना आ.अनंतराव गाडगीळ यांनी काँग्रेस पक्ष हा पराभव पचवून पुन्हा फिनिक्स प्रमाणे झेप घेईल,नगरसेवक व कार्यकर्ते यांनी जनसंपर्क वाढवावा असे सांगितले.सत्काराला उत्तर देताना रवींद्र धंगेकर यांनी मनपा मध्ये अद्याप प्रभाग रचना व अधिकारी ठरले नसल्याने कामे होत नाहीत.याला भाजप व प्रशासन जबाबदार आहे असे सांगितले.सुजाताताई शेट्टी यांनी काँग्रेस नगरसेविका या आपल्या प्रभागातील जबाबदारी यशस्वी पणे पार पडतील.सर्वसामान्याची कामे हेच त्यांचे प्राधान्य असल्याचे सांगितले.
छायाचित्र;सत्कारमूर्ती नगरसेवक व मान्यवर
© 2011. Peoples Media Pune